Virginem spatio usuram esse ad vectandum intercontinentaliter
Tricordium ut in Star Trek mox facturum esse
&
Hobbitos ex Domino Anulorum inventos
ScorpioMartianus: Acta Diurna Radiophonica diei Saturni 9 Maii 2009 et hujus septimanae in summario L. Amadeus Ranierius nuntians ex oppido Bethlehem in Pennsylvania salutem dicit.
| Alba Domus hodie edidisse photographiam Aeronauticae Primi, cujus operatio terrorem in Novo-Eboracenses inegit, nuntiat New York Post.
Eventus ipse, qui die 27 Aprilis actus est, ab administratione confectus ut photographiae aeroplani praesidentialis super Statuam Libertatis carperentur, pavorem in populum Novi Eboraci intulit, hominibus urbis nescientibus de hoc eventu photographico aeroplanum super aedificia videntibus valde metuentibus impetum novum terrorificum, ut die 11 Septembris 2001. Illum aeroplanum 747 Aeronauticae Americanae, quod Anglice "Air Force One" solum cum praesidente Americano volans ita appellatur, sequitur ejectorium proeliatorium F-16, ex quo photographiae de aeroplano majore captae sunt. F-16 post aeroplanum magnum viso, plurima Novi Eboraci gens suspicabatur proeliatorium aliud aeroplanum sequens 747 demissurum. Aloisius Caldera, qui adjutor fuit administrationi Obamae in Albae Domus officina rerum militarium, eventumque photographicum approbavit, munus deposuit hodie in responso ad contraversiam quae a populo erupta est. Aeronautica Americana aestimat pretium operationis $328,835; modo nutrimentum flammabile $35,000 constavit. |
"Air Force One" cum F-16, Aprilis 27, 2009. (Google Images) |
|
 |
Spatinavibus pro aeroplanis itinera facta iri Virginis Aerolineas praedicare post 20 annos, nuntiat Reuters.
Subsidiaria pars Virginis Aerolinearum nomine Virgo Galactica meatus suborbitales offeret non solum ut cosmophili super atmosphaeram exeant, sed ut itinera intercontinentalia cottidiana futura omnibus valde velociora fiant. Successibus commercialibus itinerum in spatio privatorum jam habitis, Virgo Galactica greditur ad technologiam et commercium quo haec visio realitas fieri possit. |
|
| Detectoria personalia ut in Star Trek omnibus mox factura esse nuntiat Science Daily.
Technologia modi Star Trek tricordiorum populo communi habitura est annis proximis. Talibus apparatibus parvo pretio homo data inquinamentorum necnon temperaturae conditionumque circumjectalium vile colligere domi forisque poterit. |
 |
|
 |
Hominem sapientem novum cognatum invenisse, nuntiat Ephemeris & Science News. "Hominem floresiensem non fuisse pygmaceam formam hominis sapientis, sed omnino aliud genus hominum monstrare novissimas investigationes," narratur de ossibus homunculorum quae in insula Indonesiana Flores reperta sunt. Homo floresiensis altitudine formaque valde similis fuit hobbitis qui personae sunt in fabulis J.R.R. Tolkeini. |
Actis diurnis perlectis valere dicit L. Amadeus Ranierius pro ScopioneMartiano.
