MMIX·VI·XXVI : DIE·VENERIS : A·D·VI·KAL·IVL

ACTA DIVRNA

Transcriptus:

Michael Jackson obiise

&

LRO prospere in orbitam Lunae iniisse.

ScorpioMartianus: Acta Diurna Universa diei Veneris 26 Junii 2009, ego L. Amadeus Ranierius, nuntians Kintnersvillae in Pennsylvania. Salvete.

Duo homines illustres heri e vita discesserunt, Farrah Fawcett, actrix Americana sexaginta duo annos nata quae cancro longo post proelio periit, et Michael Jackson, cantator praeclarus qui subito mortuus est ob problema cardiacum.

Jackson, qui "rex musicae popularis" nuncupatus est, vitam famosissimam duxit, primum ut cantator puer, postea per decennes praecipue octagesimorum carmina popularissima scribens exhibensque. Recentius ejus cursus vitae opprobio | obumbratus est, accusatus cantator actibus probrosis. Ad mensem venientem spectaculum novum Londinii parabat, quod nimirum nunc tollebitur [sic].

Michael Jackson modo 50 annos habebat.

Usores interretis in Sinis accessum ad Google exquisitirum praeclusum invenerunt. Quidam auctoritatis censurae gubernamenti Sinensis nuper accusaverunt Google auxisse pornographiam, inde suspectatur auctoritates Sinarum consulto Google compescuisse.

LRO, spatinavis de cujus exlatu septimana praeterita nuntiavimus, prospere in orbitam a Luna acquisita est, ut missio ejus explorationis conficeret. Cum primum imagines novae ab LRO venerunt, hon in programmate ostendentur.

Nuntiis relatis, ego L. Amadeus Ranierius bonum finem septimanae jubens pro ScorpioneMartiano. Valete.