MMIX·VII·XX : DIE·LVANE : A·D·XIII·KAL·AVG

ACTA DIVRNA

Transcriptus:

40 annos post appulsum Apollinis 11, astronautae hujus missionis Obamae suadere ut ad Martem homines mittat

&

De Conventiculo Lexintoniensi

ScorpioMartianus: Acta Diurna Universa diei Lunae 20 Julii 2009, ego L. Amadeus Ranierius, nuntians Kintnersvillae in Pennsylvania. Salvete.

Hac die anniversarii quadragesimi appulsus missionis Apollinis 11, Niallus Armstrong, Buzzus Aldrin, primi homines qui in Luna ambulaverunt, una cum Michaele Collins, gubernatore Command Module ejusdem missionis, cum Praesidente Baraco Obama hodie convenient ut ei suadeant ne cunctemur nos Americani in superficie Lunae -- immo, suadent praesidenti Americano ut ad Martem astronautas mandet.

Heri in conventu celebrandi appulsus lunaris, Buzzus Aldrin dixit auscultatoribus: Modus optimus ut honoremus astronautas Apollinis programmatis "est sequi nostra vestigia; ut fortiter rursus eamus in novam missionem explorationis."

Michael Collins assensus est collegis suis, Lunam non allicientem, verum Martem potissimum, dicens: "Interdum puto me volasse ad locum pravum. Mars semper mihi fuit allicientissimus puero, atque etiam hodie item mihi manet. Mihi perplaceret videre Martem fieri metam, sicut Johannes F. Kennedy Lunam designavit metam."

Niallus Armstrong consensit: "Nonne tempus est nos iter nostrum pergere ultra Lunam?"

Hic dicendum est Walterum Cronkite, praeclarum diurnarium qui famosissime nuntiavit mundo ipsum appulsum Apollinis 11, e vita die Veneris discessisse. Cursus ei fuit vitae magnus et insignis.

.

Intervallum fuit inter praeteritum programma et hoc, quia Conventiculo Lexintoniensi interfui, quo in conventiculo plus octoginta sodales numerati sunt, 9 dies inter sese loquentes modo Latine. De rebus litteratis, philosophicis, philologicis, necnon cottidianis saepissime locuti sumus, et prorsus gaudeo me habuisse opportunitatem tales homines novisse, omnino lingua Latina.

Professor Terentius Tunberg magister litterarum Latinarum apud Universitatem Kentukiae hoc Conventiculum condidit anno 1996, quod quotannis celebratur Lexintoniae apud Universitatem Kentukiae. Ut Terentius Tunberg fructus est multa prosperitate in maxima popularitate Conventiculi, Institutum ad litteras Latinas apud Universitatem Kentukiae aperuit, quo discipuli ejus de litteratura Latina discunt ope linguae Latinae tantum, nec Anglice aut alio sermone instruuntur scholae nisi Latine.

Omnibus spectatoribus, qui Latine inter tot talesque homines colloquendi cupidi sint, prorsus commendo hoc Conventiculum. Plus de Conventiculo Lexintoniensi scire licet nexibus qui in descriptione in pagina YouTube positi sunt.

.

Gratias quod spectavistis; ego L. Amadeus Ranierius pro ScorpioneMartiano. Valete.